En cada bico estendes a túa linguapola gorxa como raíces de árbore milenaria
que queren destrozar a terra e saír fóra.
Crávase nos músculos
abrindo fendas nos meus membros,
rabuña as miñas entrañas
facendo que se desfagan en follas
esparcidas polas nubes
que gardan as gotas de suor nas que nos desfixemos.
Atrancamos os camiños
cos matos que saían das nosas bocas entre caricias
e convertímolos en bouzas intransitables
nas que conservar o nosos instintos.
Enfiamos o aire co perfume das nosas peles enchoupadas en profundos desexos.
1 comentario:
No soy yo, soy mi anatomía...que lucha por expandirse, por abrirse el pecho y mostrar tras las costillas los pulmones enfebrecidos, cansados, agotados,pero incapaces de tomar un respiro...la cama bajo la arena...
Publicar un comentario